Exodus 25
Biakbuk ading Biaknate
1TOPA in Moses tungah, 2“Israel-te in kei ading biakna hong tawi dingun gen in. Lungsim takpi-a a pia nuamte’ biaknate kei tangin na sang ding hi. 3Amaute tung pana na san ding biaknate in: Kham, ngun le sumsan; 4adum, adupsan, a ausan khaute le hoihtak-a kikhuk-a kigan puante; keel mul; 5a san-a kinim tuutal vunte le tuipi bawngpi ▼▼25.5 Tua pen dugong-te
vunte; singkha sing; 6mei-a vak ding olive thau; nilh sathau ding le gimnamtui dingin singnamtuite; 7siampi puan le awmtuam-a suan dingin onyx suangte le suang manpha dangte ahi hi. 8 “Tua ciangin kei ading mun siangtho khat amaute bawlsak in; tua ciangin amaute lakah ka teng ding hi. 9Nang kong lah ding lim bang tektekin hih biakbuk le a vanzatte khempeuh bawl in. Singkuang pi
10 “Amaute singkha singkuang - tong nih le alang sau, tong khat le a alang zai, tong khat le alang sang ▼▼25.10 Tua pen pi 3 ¾ bang (meter 1.1 bang) sau-a, pi 2 ¼ (meter 0.7 bang) zai a sang hi.
khat bawlsak in. 11A sung a pua a tung khempeuh, kham citaktui tawh na luan dinga, a kimkotah kham tawh geihual na bawl ding hi. 12Kham kual li sung inla, a khe lite pang khatah kual nih apang lang khat ah kual nih mah hen in. 13Tua ciang singkha zawl sui-in a pumtangin khamtui luan in. 14A puak nadingin singkuangpi pang tuaka a kualte sungah khum in. 15Zawlte, singkuangpi-a a bilte sungah a om den ding hi; tuate a kilakhia kei ding hi. 16Tua ciangin singkuangpi sungah nang kong piak ding Tecipanna koih in. 17 “Kham citak tawh thoihdamna sin ▼▼25.17 Tang ngeina-in lainatna tutphah
khat bawlin - a sauna tong nih le alang, a zaina ▼▼25.17 Tua pen pi 3 ¾ bang (meter 1.1 bang)sau-a pi 2 ¼ (meter 0.7 bang) zai hi
tong khat le alang hisak in. 18A sin mongte ah sek-a kiseek kham cherub nih bawl in. 19Among khatah cherub khat bawl inla, a lang khatah a nihna bawl in; a mong tuakah cherub-te sakhatin bawl in. 20Cherub-te in a khate a tunglamah zakto dinga, tuate tawh a sin a limsun ding hi. Cherub-te khat le khat kimaingat ding uh a, a sin lam nga ding uh hi. 21Singkuangpi tungah asin koih inla singkuangpi sungah kong piak ding Tecipanna koih in. 22Singkuangpi sin tunga cherub nihte kikala Tecipanna tungsanah nang tawh i kituak dinga, Israel-te adinga ka thupiakte khempeuh nang kong pia ding hi. e Sabuai
23 “Singkha singin sabuai - tong nih asau tong khat azai tong khat le alang asang ▼▼25.23 Tua pen pi 3 bang (meter 0.9 bang) sau-a pi 1 ¼(meter 0.5 bang) zai-a, pi 2 ¼ (meter 0.7bang) sang hi.
khat bawl in. 24Kham citak tawh luan inla, a gei kimkotah kham geihual bawl in. 25A gei kimkotah zapek ▼▼25.25 Tua pen khutpi 3 bang ( centimetre 8 bang)
cia a pha a geidal khat zong bawl inla zawl pek tungah kham geihual bawl in. 26Sabuai ading kham kual li bawl inla a khete omna a kiu lite ah tuate hen in. 27Sabuai puak nading zawlte a len dingin a zawlpek tawh kimatin a kualte om ding hi. 28A zawl dingin singkha sui inla, kham-in tuate luan in, tuate-in sabuai kipua ding hi. 29A kuangdaite le a kuang-ukte kham citak tawh bawlin, biakna sunkhiat nadingin beltung le kuangkumte zong tua mah bangin bawl in. 30Ka mai-ah a tawntunga om dingin hih sabuai tungah ompihna anlum koih in. h Meivak Tunna
31 Kham citak meivak tunna khat bawl inla, a bul le a kung sekin seek in; pak tawh kibang hai hi dinga, a ngumte le a pakte sakhata kizomkhawm hi ding hi. 32Meivak tunna panin a ka guk - a pang khatah thum, a pang langkhatah thum mah mengkhia ding hi. 33Ahiang khatah almond pak lim tawh kibang hai thum - a ngum le a pak kithuah om dinga, a zoma hiangah thum mah, a hiang gukte khempeuh tungah meivak tunna panin kakhia ding hi. 34Tua hi a meivak tunna tungah almond pak lim kibawl hai li, a ngumte le a pakte kithuah a om ding hi. 35Meivak tunna pan a kopa a katkhiatna a masa pen nuai-ah a ngum khat omin, a kop nihna nuai-ah a ngum a nihna, a kop thumna nuai-ah a ngum thumna om dinga, a vekin a hiang guk pha ding hi. 36A ngumte le a hiangte, meivak tunna tawh kham citak kisek khawm sakhat hi ding hi. i 37 “Tua ciangin meivak sagih bawl inla, tuate in a mai-a munte a taan dingin a tungah tung in. 38Taiteh le a kuangte kham citak hi ding hi. 39Meivak tunna le hih a tunga vatzatte khempeuh kham citak talent ▼▼25.39 Tuapen pound 75 bang (kilograms 34 bang)
khat kizanga kibawl hi ding hi. 40Mual tunga hong kilak lim bangbanga tuate na bawl ding thei in. k
Copyright information for
ZomZIV